Wheatfield X 羅宋湯專門店 (MOKO新世紀廣場) (已結業)

呢間野見到幾次都未有機會幫襯，今次第一次食。餐紙上印有羅宋湯的介紹，估唔到羅宋湯都有分海派唔海派，呢度都有好多唔同嘅餐，我同朋友各自叫咗一個「全日自選配搭湯麵套餐」（ $82 ）和「廚師推介套餐」（ $88 ）。兩個餐都可以揀唔同湯底，羅宋湯仲可以揀牛腩或者豬肉，另外有清雞湯、建議同菜頭湯等等選擇。湯麵套餐就配一款麵底和一款小食，廚師套餐就配唔同款式嘅豬仔包。兩碗羅宋湯原來大小不一樣，我廚師套餐嗰碗比較輕盈，湯底香濃帶點微辣，有好多雜菜，牛腩嘅份量都唔少，而且每舊都幾大，幾有嚼頭。另外個香煎埋豬扒豬仔包都唔錯，豬扒唔會太乾，配埋蕃茄生菜和烘脆嘅包皮，幾好食呀。朋友個海派牛腩羅宋湯手打烏冬似乎都唔錯，因為佢加埋烏冬所以大碗D，佢小食揀咗香煎雞扒（要加$12 ），個樣都幾靚呀。兩個餐都可以配嘢飲，如果揀特飲仲有半價添，我哋分別叫咗一杯凍朱古力可可和凍蘆薈蜂蜜四季春，我幾鍾意我杯四季春，茶味香得來又唔會太濃，又有啲蘆薈粒粒，輕嘅甜味，唔錯唔錯。