Opa Mediterranean Bar and Bistro (已結業)

依家冇得去旅行，最鍾意喺香港搵唔同國家嘅菜式嚟試吓，呢間餐廳主打地中海菜，裝修設計都幾有氣氛，幾適合飲嘢傾偈。煙三文魚披薩$185 Pizza係超薄批，個底好鬆脆，餡料有煙三文魚、洋蔥、菠菜苗、野菌同埋水牛芝士，唔會太漏，一塊接一塊好快食晒～海鮮串燒$188我見好多人都有叫，係呢度嘅招牌菜式！造型非常特別，最頂有個檸檬一路留啲檸檬汁落去下面嘅食材度，增加口味嘅層次。下面就有吞拿魚、三文魚、大蝦 、墨西哥辣椒，配搭兩款唔同嘅醬汁。墨西哥辣椒辣到飛起！吞拿魚同埋三文魚都好食，生熟程度剛剛好，肉質嫩滑。西班牙油炸鬼$78香脆嘅油炸鬼上面有糖霜，仲有啲肉桂嘅味道，配搭曲奇味雪糕，好配襯！PMP smoothies $82有桃、芒果同埋熱情果嘅味道嘅一杯沙冰，消暑解渴，又唔會太甜。