I Love 戟 - 日式班戟專門店 (已搬遷) 新店位置

今日食完LUNCH經過太安樓，見到呢間以焦糖燉蛋班戟作賣點，人氣非常高日式班戟專門店。當時等候的客人唔多，我地趁機買來試試。😋我點左一個焦糖燉蛋雪糕班戟，首先個焦糖燉蛋雪糕班戟賣相好好，班戟薄身都幾香脆，焦糖燉蛋蛋味唔係好濃，不過唔會過甜，而且都幾香滑。夾層有忌廉同木槺，口感都幾豐富。雪糕好大舊，味道正常。以$32呢個價錢而且唔需要排長龍食到呢個雪糕班戟，性價比都幾高。👍呢間小店同大部份太安樓食店一樣，不設堂食，不過呢個班戟有附上一隻小匙，食得都方便。班戟款式選擇都幾多，除左有雪糕班戟，仲有咸味的班戟。小店都幾高人氣，雜誌同網上都有好多關於此小店的介紹。