五指間蘭州牛肉麵

营业中

休息中

中國大江南北，有唔同嘅菜系同飲食習慣，各具特色。但對於唔少香港人嚟講，大西北嘅蘭州清真菜相對少接觸，亦都係我哋嘅第一次。位於灣仔嘅五指間蘭州牛肉麵，餐廳走快餐店佈局，啱晒初嚐大西北大漠美食嘅我哋。羊肉串羊肉串係跟餐小食，羊肉被滿滿嘅香料包住，先係孜然味，後勁再嚟辣味，好惹味。蘭州牛肉麵講起蘭州嘅美食，一定就會諗起蘭州牛肉麵。而蘭州牛肉麵最講究嘅一定係個湯底，用上長時間熬製而成嘅牛骨湯，清香濃郁，加上芫茜同葱，香味充滿層次。至於麵條幼細彈牙，牛肉用上切片嘅牛𦟌，肉味香濃。咖喱牛肉飯世界各地嘅咖喱，各走不同路線，而蘭州風格嘅咖喱香而不辣，啱晒撈飯！配料主要有無筋又夠腍嘅牛肉、索晒汁嘅薯仔同紅蘿白，仲有半隻滷蛋，整體味道唔錯，但就略嫌配菜嘅份量少咗啲。孜然牛肉肉夾饃肉夾饃以千層酥皮包住牛肉、青椒、洋蔥等餡料，外層香脆鬆化，入面配料豐富，充滿口感。