城大中菜廳

营业中

休息中

等咗好耐，城大嘅中菜廳終於開啦！咁啱今日返學就同幾個朋友一齊去食嘢，晏晝好多人等位，都等咗半個鐘先有位。我哋點咗炸鮮奶、燒賣、蝦餃、蘿蔔糕、鮮蝦腸粉、奶皇包，試業期間幫襯餐廳仲送咗份紅豆糕俾我哋。最好食嘅係燒賣同蝦餃，勝在啲用料豐富同新鮮，夠入味，水準唔錯，抵食。奶皇包個奶皇比較稀，偏甜，味道一般，不過包夠薄身，有流心效果。炸鮮奶夠晒大碟，一碟8粒，外脆內軟，可惜粉漿偏厚，吸左啲油，有啲油膩。蘿蔔糕味道幾好，夠香口惹味，但係口感太腍，唔似食緊糕點。鮮蝦腸粉都幾好味，啲蝦肉味道上乘，只係粉皮略厚，唔夠滑。紅豆糕啲紅豆太硬，賣相都比較普通。4個人食，每人埋單50幾蚊。整體來講，啲點心都尚可，睇埋價錢就算抵食，平日不妨食下中菜飲下茶。