Opa Mediterranean Bar and Bistro (已結業)

近排工作真係忙到想死😞所以十分期待週末時間🤗可以比自己抖下之餘，又可以同老公去食好西。老公今日帶左我去食地中海餐，近西鐵站之餘，仲好有格調，今日天氣有成34度🤪雖然餐廳係開放式，但當走入餐廳有一種地中海舒暢感覺，坐在舒服位置，微風吹送，聽住輕快音樂，成個人都放鬆了因為太熱了，老公就發板點了幾樣開胃菜😜青檸汁醃吞拿魚: 吞拿魚食得多，但多數食刺身，但係呢個超開胃😍岩晒呢d熱辣辣天氣，原來吞拿魚經醃漬後，肉質會變得更加厚實d，配以青檸芥末，雖然係有d辛辣，不過呢個組合係好夾藜麥沙律:材料有洋蔥、青瓜、燈籠椒、feta cheese &檸檬醬，再加埋藜麥，口感超豐富，而且營養價值高，高纖維，飽肚又健康，加上有檸檬醬，又係超開胃牛肝菌蘑菇意粉:看似好簡單的意粉，但呢個簡單的素意粉也能刺激味蕾，因為​牛肝菌有獨特香味，醬汁菇味更香濃creamy海鮮拼盤串燒:當侍應拎成個串燒架過來時，我地完全係心心眼，串燒有吞拿魚/三文魚/大蝦，配上水牛城辣椒醬，香口得來又juicy，記得配上鬆軟彼德包一齊食呀老公有呢杯hoegaarden啤酒，仲要係happy hour價，爽呀