嘆炭燒 (新文華中心) (已結業)

雖然之前響大陸玩，已經食咗好多串燒，但係串燒係永遠都唔會食得厭嘅～～今日響尖沙咀又搵到一間四川串燒店，反而令我有驚喜！🤩驚喜嘅唔係串燒喎（雖然都好好味），而係一種叫冒菜嘅食物。講起四川菜，就一定要食涼拌，可以自選餸菜：蓮藕、支竹（老細嘅至愛）、雞肉絲、青瓜絲……調味唔錯～配合埋芫茜、芝麻，真係好開胃同香口！！串燒叫咗翠玉瓜、豬頸肉、雞、牛、羊都一定要有～調味唔錯，唔會死鹹～孜然粉真係可以帶出串燒嘅風味！！重頭戲係冒菜（其實即係好似四川車仔麵😂）我哋揀咗腩肉（👍🏻今日mvp）魚腐、午餐肉（唔係淨係可以打邊爐㗎😂）墨魚丸同娃娃菜…店員（唔知係唔係老闆😚😜）招呼非常周到，又細心又熱情😍👍🏻～佢建議主食可以點“土豆粉”，原來係一種好滑，但係又煙煙韌韌，有啲彈牙嘅粗米線～真係非常啱我口味！😍🥳🥰😘雖然已經食到好飽，但係我都忍唔住，成碗玩食曬！我覺得下次出嚟睇演唱會嘅話，一定要嚟食多一次！！