Lobster Central (已結業)

龍蝦熱狗店開到成巷成市，雖然一直為城中熱話，但食材矜貴，小弟一向不敢拜訪。今日心情大好，加上新開張有$99三款熱狗試食午餐餐牌，決定一試。餐廳門面不大，內裡有數長高枱，可容納約十幾人。牆壁上是圖畫亦是餐牌，另一邊則是工業風燈飾。由於時間尚早，我們是餐廳第一批客人。點了三式熱狗後，等待約五分鐘就由侍應捧上。三隻熱狗整齊的放在餐盤上，在餐廳射燈下，顯得份外吸引，亦刺激了口水的分泌。我先嚐一口龍蝦包，熱狗外層煎香過，內層亦塗上牛油，感覺認真。放入口中牛油香氣撲鼻，龍蝦肉溫暖顏色鮮豔，入口充滿彈性。蟹肉熱狗用料十足，同另外兩個包一樣，塗上牛油煎香。蟹肉係凍食，包係熱食，感覺有少少怪。味道方面較龍蝦清淡，包和蟹肉都係軟身，口感較沒有龍蝦豐富。最後蝦熱狗，蝦肉爽口，不過鮮味不明顯，味道主要來自醬汁，而醬汁似荷蘭汁，配合得不錯。