譚仔三哥米線 (幸福中心)

今次試左三哥新岀嘅鮮檸清湯魚片雞肉雲吞米線(加左$5轉蒟蒻麵)。先讚嘅係個湯底唔錯，有d似魚+雞湯味，同埋加左鮮檸同檸檬葉令湯嘅味道更有層次。雞肉，魚片同雲吞份量都唔少，食哂麵都仲有餸未食完。

讚完都有啲嘢彈下
首先係如果想食呢個湯係要跟佢個set，冇得自選餸。
第二係魚片仲有小碎骨，食嘅時候要小心啲。第三係雲吞係急涷雲吞，個皮有啲厚。
最後一點係個湯都幾油下，唔好俾鮮檸個fresh味扼到🤣🤣因為個湯飲落真係好好飲，油膩感唔重，但其實睇到d油係多過其他湯底好多