肉料理とワインCARVING (已結業)

一早約左公司隔離有間食評幾好既omakase餐廳叫做<肉料理とワインCARVING>，主打高級日本食材為主既法式料理，而每個月都只有一個既應節既餐牌，並且配上當季既SAKE，別有一番風味；今日由廚師推介既係呢一支「閖」既純米酒，清清甜甜有木瓜味易入口，今日一共有８道菜式，廚師係每一款都有精心既擺盤，而服務員亦都有介紹每一款既食法同埋菜式既特別之處；其中最印象深刻既係呢幾道菜式：《阿根廷赤海蝦》蝦味特別鮮甜濃郁，配上酸酸嘅水雲作為冷麵形式既配搭，加上擺盤一點都不馬虎，令人食慾大增；《甘鯛立鱗燒》用油潑既方式令到燒製甘鯛魚的魚鱗酥脆，而甘鯛魚肉嫩多汁，口感一流，廚師更在魚肉上抹上一層既味噌醬，令到味道更上一層。《牛骨髓》既食法比較簡單就係將所有嘢倒入去米飯到撈埋一齊食，分別有日本空運既生蛋黃，北海道七星米， 蘋果乾， Baby 洋蔥，和牛燉肉同埋主角牛骨髓；混合完食落既口感亦都唔差。《石榴酒巴巴蛋糕》這款意式雪糕配以Gin，一咬就滲出了酒，而青瓜乳酪和雲呢拿雪糕既配亦相當有微妙。總括而言以omakase黎講，呢一餐非常抵食，同埋感謝侍應既解說