影片
更多
2015-11-16
534 浏览
原本同朋友仔walk in食韓國燒烤，可惜忘記book位由於吾想呆等唯有轉移目標行行下去到一間門口寫住"正宗印度餐廳"的鋪頭見到佢招牌甘寫，心裡面諗有幾正宗呢?我地商量後一於膽粗粗去試下 一路由門口入去比人感覺都好神秘沿住樓梯好快就去到餐廳門口當中都見到D幾得意和特別既擺設 加上店內燈光柔和，佈置時尚高雅，都比到人一種舒服的感覺另外，侍應都好熱情和有禮貌，招呼左我地坐低就開始睇餐牌喇...食物方面選擇都幾多，最後點左幾款較出名既食物首先，介紹下個免費頭盤薄脆片和三款配料，薄片十分香口，又薄又脆，帶點咸香，左面開始係傳統的薄荷香草醬，食落微辣，中間係醃製過的洋蔥、紅蘿蔔和蕎頭，味道偏酸，而右面我地就不知道係咩，只是食得出濃濃既咸味。我和朋友都較喜歡味道清新的薄荷香草醬，其他二款配料雖然都有印度風味，但我諗吾係每個人都喜歡。因為我地二個都無雞不歡，所以分別叫左蕃茄牛油和印度香料椰汁二款雞，前者賣相睇辣好辣，但其實得個樣，聞落好重香料味，再食一啖，果然真材實料，濃郁的蕃茄蓉加上芝士咸香，酸酸地十分開胃，真係可以送到二碗飯。至於後者椰汁雞，椰汁突出左咖哩的香味，整體層次更加豐富，而且落
由於吾想呆等唯有轉移目標
行行下去到一間門口寫住"正宗印度餐廳"的鋪頭
見到佢招牌甘寫，心裡面諗有幾正宗呢?
我地商量後一於膽粗粗去試下
一路由門口入去比人感覺都好神秘沿住樓梯好快就去到餐廳門口
當中都見到D幾得意和特別既擺設
加上店內燈光柔和，佈置時尚高雅，都比到人一種舒服的感覺
另外，侍應都好熱情和有禮貌，招呼左我地坐低就開始睇餐牌喇...食物方面選擇都幾多，最後點左幾款較出名既食物
首先，介紹下個免費頭盤薄脆片和三款配料，薄片十分香口，又薄又脆，帶點咸香，左面開始係傳統的薄荷香草醬，食落微辣，中間係醃製過的洋蔥、紅蘿蔔和蕎頭，味道偏酸，而右面我地就不知道係咩，只是食得出濃濃既咸味。我和朋友都較喜歡味道清新的薄荷香草醬，其他二款配料雖然都有印度風味，但我諗吾係每個人都喜歡。
因為我地二個都無雞不歡，所以分別叫左蕃茄牛油和印度香料椰汁二款雞，前者賣相睇辣好辣，但其實得個樣，聞落好重香料味，再食一啖，果然真材實料，濃郁的蕃茄蓉加上芝士咸香，酸酸地十分開胃，真係可以送到二碗飯。至於後者椰汁雞，椰汁突出左咖哩的香味，整體層次更加豐富，而且落左奶油令咖哩更 creamy。到左主角雞肉喇，廚師可能用左大量香料烹調，所以雞肉食落會有有微微香辣的味道，加上嫩滑多汁，好食到停吾到口
再講下烤餅，總共點左牛油各洋蔥二隻味，送上黎已經香噴噴，餅底厚薄適中，批邊香脆，餅裡面十分鬆軟煙韌，配上頭先點既咖哩食已非常香口惹味，絕對要encore
Mango酸乳係餐廳推介我地飲，所以都有一定期望，一飲味道清甜，可以將岩岩濃味食物的味道完全消解，加上用上果肉打出黎，飲個陣真係好似食緊一隻Mango甘，果然係招牌必飲推介。
整體餐廳的食物價錢雖然偏貴，但質素我認為係成正比既，另外，侍應的服務態度都十分好，估吾到會有意外驚喜，這間正宗印度菜我絕對值得大家嘗試下呢
张贴
