雲南啊老表黑山羊湯鍋米綫 (觀塘工業中心) (已搬遷) 新店位置

今次嚟試下呢間位於觀塘工業區嘅黑羊湯鍋米線！至於點解想食呢～其實我平時行過呢度已經好想試咖喇!一入到去，見到牆度嘅招牌，入面寫話食咗可以利尿，男女老少皆宜，好似好正咁！黑羊米線入面有分大碗同細碗的，其實細碗都幾大碗咖！主食除咗有黑山羊米線，仲有飯類！睇餐牌好似好小食，原來係牆仲有寫其他小食！但可惜我已經嗌咗野食喇，所以試唔到呢啲！今次我嗌咗黑山羊米線（酸辣）細碗，呢度嘅酸辣味道唔係好多，係加咗酸菜咁解。但酸辣味冇蓋住黑羊湯味，黑山羊肉好薄但爽口，有少少羊皮，羊味都夠！由於冇留意到餐廳的牆，所以只有嗌咗餐牌上嘅小食，呢個係麻辣豬耳，爽口唔會太硬，味道唔會好咸好濃（可能有人覺得會淡咗啲），但我覺得尚算ok! 最後係麻辣手拍青瓜，同豬耳個汁差不多！唔會太咸，有少少酸，幾醒胃！