麗島小廚 (已結業)

黎到石門搵食，見到店外新開業有9折優惠，就即管試試😋餐廳寬敞舒適，由於時間尚早，店內的人唔算多，唔駛等位！嗌左招牌麻辣肥腸雞煲，嗌左小辣半隻雞，配料好香，個醬好惹味，雞煲入面有肥腸，有誠意👍🏻肥腸肥瘦岩岩好，雞尚算嫩滑，我食到果隻係肥雞，所以肉唔多，2人食份量剛剛好。墨魚滑新鮮彈牙，仲食到細粒墨魚，令口感更豐富👍🏻潮洲魚蛋不過不失，一碟8粒，抵食！黑豚豬頸肉每片有少少厚度，脂肪分佈平均，物超所值牛舌心爽口，牛味濃郁又唔會好膻！五色蔬菜籃索晒雞汁好正！唔駛點醬油都得！太多野食關係，2個人食唔晒！埋單9折左都係每人$270左右！抵啊！