影片
更多
2022-10-22
23 浏览
今次介紹嘅《炭火地雞》位於銅鑼灣登龍街永光中心，係少有用日本嘅備長炭炭燒嘅串燒店，所以成本會比其他串燒店高，但係勝在溫度比較平均，咁燒出黎嘅串燒自然會比較有風味。入座之後會送上石盤，上面會有各式醬料，可以根據自己口味選擇。提燈 $42 一串提燈只有極少數嘅串燒店會提供，好驚喜依間竟然會食到。相信好多人都對依個部位都好陌生，其實就係母雞嘅輸卵管、卵巢同埋未成熟嘅雞蛋製成，產量極少。提燈名字嘅由來係因為將上述嘅材料串起來，竹籤就好似提着燈籠一樣。食起黎好似雞蛋嘅口感，又有雞肉嘅鮮嫩肉香，好值得一試。初次嘗試已經好鍾意❤️香脆雞皮配香蔥酸汁 $58炸過既雞皮薄身又有油香，口感香脆，加埋香蔥酸汁都幾開胃。雞肝醬多士 （2人份）$48雞肝醬真係第一次食，多士就用咗法包，雞肝醬充滿奶油味，口感又幼滑。真係特別香口🥰🥰🥰炸日本山芋 $58新鮮炸嘅日本山芋送到上嚟嘅時候熱辣辣，味道鮮甜，可以配埋蛋黃醬一齊食用，味道更佳。豚五花腩牛油果$38 同埋豚五花腩鵪鶉蛋$38豚肉肉質軟腍，充滿油香，個人覺得配牛油果比較特別，令到口感更加綿密。牛油果呢個配搭真係好有驚喜！鵪鶉蛋都好特別！味道好夾！親子丼 $58金黃
入座之後會送上石盤，上面會有各式醬料，可以根據自己口味選擇。
提燈 $42 一串
提燈只有極少數嘅串燒店會提供，好驚喜依間竟然會食到。相信好多人都對依個部位都好陌生，其實就係母雞嘅輸卵管、卵巢同埋未成熟嘅雞蛋製成，產量極少。提燈名字嘅由來係因為將上述嘅材料串起來，竹籤就好似提着燈籠一樣。食起黎好似雞蛋嘅口感，又有雞肉嘅鮮嫩肉香，好值得一試。初次嘗試已經好鍾意❤️
香脆雞皮配香蔥酸汁 $58
炸過既雞皮薄身又有油香，口感香脆，加埋香蔥酸汁都幾開胃。
雞肝醬多士 （2人份）$48
雞肝醬真係第一次食，多士就用咗法包，雞肝醬充滿奶油味，口感又幼滑。真係特別香口🥰🥰🥰
炸日本山芋 $58
新鮮炸嘅日本山芋送到上嚟嘅時候熱辣辣，味道鮮甜，可以配埋蛋黃醬一齊食用，味道更佳。
豚五花腩牛油果$38 同埋豚五花腩鵪鶉蛋$38
豚肉肉質軟腍，充滿油香，個人覺得配牛油果比較特別，令到口感更加綿密。牛油果呢個配搭真係好有驚喜！
鵪鶉蛋都好特別！味道好夾！
親子丼 $58
金黃色嘅雞蛋完美覆蓋住日本珍珠米，雞肉肉質嫩滑，個飯又好濕潤，啖啖都係雞嘅鮮味。
仲有試左雞翼2串 $58，牛舌$58，汁燒和牛牛肋肉$58
個汁燒和牛，真係有豐富既肉汁，肉有
雞翼燒到皮脆！肉汁都保留得好好！
牛舌就唔使講啦必點㗎！
其實由最近開始好多人流行返呢個串燒文化，我都去過唔少串燒店，一間銅鑼灣嘅餐廳，真係少有嘅高質同埋食材食到係特別新鮮，每一串我都覺得佢燒得好好食，喺醬料上面都配搭得好好👍
特別推薦豚五花腩牛油果同提燈！
如果唔想錯過其他好介紹，記得follow我呀😘
多謝大家！！
张贴
