我哋就叫咗一個細嘅韓國釜山海鮮鍋，因為見到都幾足料，怕食唔晒，所以就冇叫其他嘢食！不過都好彩真係冇，因為個海鮮鍋份量真係好多，兩個女仔夠晒食！
一坐低，店員就即刻幫我哋斟水又俾咗三個小菜我哋，服務態度好好👍🏻 而且環境好似真係喺韓國嘅家庭式餐廳甘，令人有身處釜山嘅感覺🥰
小菜有醃蘿蔔，泡菜，海帶絲！
泡菜好好食，呢幾款小菜可以解膩之餘又好有韓國嘅風味！
🌟韓國釜山海鮮鍋（細)
湯底係鯷魚同海帶煮成既湯，鮮味濃郁，好開胃唔會太濃味，適合煮唔同種類嘅海鮮，因為海鮮唔會比湯底搶過味道👍🏻
叫左原味，另外店員俾左一兜辣醬我地試！我覺得都幾辣，好彩叫咗原味！
一上枱就俾大大隻蟹吸引左🤩
除左蟹仲有好多唔同既海鮮: 蝦，青口，蜆，墨魚仔，魷魚，鮑魚，扇貝。
蝦都幾大隻，而且係彈牙既蝦！
蜆完全無沙。
蟹都好多蟹膏同蟹肉，味道鮮甜！枱面都有工具可以俾大家去食蟹👍🏻
海鮮全部都唔會煮得過火，岩岩好熟，保持左食材既口感又有湯底既鮮味！
除左海鮮，仲有丸，金菇，娃娃菜同粟米。呢d都好索湯汁同埋海鮮既精華！
