鳳城酒家 (已結業)

今日約左兩個朋友食飯，他們都喜歡食海鮮，就提議食蒸氣海鮮火鍋。我地去左黃埔美食坊一間酒樓食，叫鳳城酒家，上網睇佢有個海鮮拼盤好似幾大份。7點幾8點，估唔到都幾多人食，不過見大部份人都係點小菜。我地點左個海鮮五層塔，一碟牛肉，再加個咸排骨瑤柱粥底。食之前可以整定個醬油碟，不過其實唔點醬先食到海鮮嘅鮮味。開蒸氣前，侍應會將啲米、排骨、白果、冬菇等等放入個鍋度，再放上蒸架，用蒸氣水去煮粥好快個海鮮五層塔就上啦！等水滾後就可以放上海鮮蒸d海鮮同個牛肉睇落都幾靚。以下喺我地蒸食物嘅次序:1. 龍蝦2. 扇貝3. 肉蟹4. 龍躉5. 牛肉6. 花甲餐牌有上面寫着每一種食物要蒸嘅時間，不過侍應都會幫你計時上食物。龍蝦好新鮮，已經斬好件食得好方便蒜蓉扇貝蒸得好入味。龍躉啖啖肉好正啊，有個朋友唔食魚所以我食咗好多。牛肉我個人好喜歡，除咗本身鍾意食牛外，呢碟牛肥瘦分布剛剛好，蒸牛肉更加保留到d牛味同牛脂肪。最後蒸花甲可以用來送粥，因為本身個花甲係用鹽水浸過，所以會係鹹鹹地。蒸晒所有野後可以食粥啦，每人都分到兩碗左右，因為唔係煲咗好耐，所以啲粥唔算好綿，但就夠味。最後仲有木瓜雪耳糖水送值得一讚係，侍應服務態