施心畢老撾餐廳

营业中

休息中

朋友问有没有兴趣试老挝菜，梗系有啦。其他东南亚菜式就食得多，但老挝菜真系从来未试过。上星期就同朋友两个人去咗中环翡翠中心楼上一间老挝菜馆。原来餐厅老板系美女厨房嘅靓仔厨师 Justin，一上去就见到 Justin张靓仔相挂住喺餐厅中间做生招牌。就地理位置上老挝被缅甸，柬埔寨，泰国，越南围在中间，所以菜式亦受呢几个国家影响。我哋先叫个小食拼盘，同烧鸡沙律。原本想要青芒果沙律，但青芒果太受欢迎，所以已经售罄。咁唯有选择鸡肉沙律。沙律里有多款唔同嘅菜，最特别嘅系咸萝卜，萝卜带粉红色，应该系用上心里美萝卜，腌得咸咸的好爽口，配上沙律菜吃，好特别。小食拼盘差不多有５－６款。米纸卷，鱼饼，春卷，越式春卷，仲有一块块好似炸虾片的物体。食落口好香脆，比虾片厚身，较有质感，用来送酒一流。我吃了三四块，差不多全部被我扫清。另外再加个猪颈肉咖哩见球。见球就是饭。猪颈肉爽口好味，但我最钟意的是炸薯块。薯块炸得好香口，沾上香香辣辣的咖哩汁食，滋味一流。另外又叫了荔枝冰同南姜香茅梳打。这里饮品最好就是不会过甜，清清的消暑一流。可惜今日靓仔厨师不在，下次要再过来，希望下次可以见到啦。