諾亞半熟蛋糕專門店 (已結業)

諾亞半熟蛋糕是近期大家話題之一, 但由於開設的地點不近我公司或居住的地方, 一直都無機會去試. 最近終於有機會啦, 因為剛剛在大坑開了新店, 也是港島區首間, 趁着星期五放工後去買.蛋糕有半熟蛋糕, 蛋卷和流心蛋糕.最後, 我揀了我最愛的比利士朱古力溶心芝士蛋糕.由於回家路程比較遠, 店員預備了乾冰.隨盒也附有紙碟和膠刀, 膠义, 方便進食.除了半熟蛋糕要放在冰櫃外, 其餘放在雪櫃便可以. 食幾多切幾多, 再放在室温五至十鐘先食.我本身鍾意食硬身一點, 所以我只放一陣便食.蛋糕面舖滿了朱古力醬, 朱古力味算幾濃郁, 甜度也適中. 中間是芝士, 芝士幾滑身, 加上淡淡的芝士味, 口感不錯. 初時食是較硬身, 慢慢食蛋糕就會溶身多一點, 口感也因而有所改變. 對一般人來講, 芝士味適中, 但因為我自己鍾意食較濃芝士味, 若味道再濃郁一點就更加完美.下次要試下佢地的蛋卷和半熟蛋糕.