麥奀雲吞麵世家 (海港城)

海港城覓食之旅嘅正餐選擇咗呢間麵館，人龍唔長正合我地唔想排長龍嘅心，下班後仲要排隊等位太心累了。

呢間麵店主打麵食同埋雲吞，我就點咗個鮮蝦雲吞撈麵，天氣太熱著實唔想食熱湯麵。

朋友就點咗牛腩牛筋撈麵。

另外點上湯杞子浸時蔬作平衡，均衡飲食也很重要！

鮮蝦雲吞有五粒，size偏細但粒粒爽口彈牙皮又滑，一啲都唔腥，就明白點解成為餐廳嘅主打了。撈麵配上少少蠔油，撈啲湯再撈均勻，麵幾有彈性，可惜鹼水味太重，影響味道了。

朋友的撈麵配啲牛腩腩汁味強蓋過咗鹼水味就比較好，但只配蠔油嘅撈麵就略嫌鹼味重。
上湯芥蘭不過不失，用咗今期海港城優惠券後價格都尚算接受到，如果原價就少貴啊！