Pici

营业中

休息中

朋友話想食意粉跟住OpenRice就見到介紹依間好出名嘅手工意粉。咁大概七點左右就到餐廳門口，依間餐廳只限walk in，不設訂座服務。但我朋友因為早到所以好快就有位。侍應好有禮貌介紹$290一位嘅套餐，如果兩位的話可以選擇兩個前菜、三碟意粉、兩個甜品。即係不需要$600就可以有咁多嘢食我同朋友聽到之後都有少少呆咗，竟然咁平就可以食咁多嘢？咁最後我哋揀咗一個吞拿魚他他一份Parma Hams一個海鮮意粉一個牛肉千層麵一個慢煮牛闊條麵。我同朋友都覺得兩個前菜好好食，意粉就海鮮個款最正，千層麵同闊條麵就有啲heavy 。但鍾意芝士嘅人一定好鍾意。環境方面餐廳好有氣氛，但今次我哋知係派到吧枱。但坦白講咁嘅價錢又不需要+1都有咁好質素嘅嘢真係好抵食。