影片
更多
2021-06-26
275 浏览
泰國越南印尼菜都試過，係差印度菜仲未食過啫，今次終於都可以試吓。餐廳走高價位路線，光鮮明亮，一入到去就會比吧枱頭上嘅燈吸引，另外餐廳仲有open Area，好適合休閒聚會。餐牌隉有圖片，有中文翻譯之外，亦都有英文嘅簡介，另外都有見到門口嘅吧枱都知道呢度係有提供酒精飲品，所以餐牌上都列有多款Cocktail。Old Delhi Chaat Platter新德里懷舊三式小食拼盤員工特別推介嘅菜式，集合左三款唔同嘅印度特色小食，分別係印度特色鷹嘴豆空心脆球、脆炸小扁豆餅、乳酪扁豆蓉脆餅。印度特色鷹嘴豆空心脆球脆球入面白色嘅係酸酸甜甜嘅醬汁，而且應該係雪過所以咬落去嘅時候有種涼透心嘅感覺。脆炸小扁豆餅炸到好脆口乾身，口感一流。乳酪扁豆蓉脆餅醬汁嘅味道非常濃，集合左酸、甜、辣，好多層味道，食完豆蓉個感覺都幾full。總括嚟講三種小食入面我最鍾意嘅就係空心脆球，因為酸甜嘅醬汁真係好開胃，而且冰冰涼涼嘅感覺好消暑，三款小食最特別嘅係雖然都係炸嘢，但係絕對冇油溢味，係一啲油都冇，而且又有豆蓉乳酪呢啲食材，所以覺得好健康。 Myth Saag傳統印度菠菜蓉咖喱雞平時咖喱就食得多啦，黃咖喱青咖喱白咖喱紅咖
餐廳走高價位路線，光鮮明亮，一入到去就會比吧枱頭上嘅燈吸引，另外餐廳仲有open Area，好適合休閒聚會。
餐牌隉有圖片，有中文翻譯之外，亦都有英文嘅簡介，另外都有見到門口嘅吧枱都知道呢度係有提供酒精飲品，所以餐牌上都列有多款Cocktail。
Old Delhi Chaat Platter
新德里懷舊三式小食拼盤
員工特別推介嘅菜式，集合左三款唔同嘅印度特色小食，分別係印度特色鷹嘴豆空心脆球、脆炸小扁豆餅、乳酪扁豆蓉脆餅。
印度特色鷹嘴豆空心脆球
脆球入面白色嘅係酸酸甜甜嘅醬汁，而且應該係雪過所以咬落去嘅時候有種涼透心嘅感覺。
脆炸小扁豆餅
炸到好脆口乾身，口感一流。
乳酪扁豆蓉脆餅
醬汁嘅味道非常濃，集合左酸、甜、辣，好多層味道，食完豆蓉個感覺都幾full。
總括嚟講三種小食入面我最鍾意嘅就係空心脆球，因為酸甜嘅醬汁真係好開胃，而且冰冰涼涼嘅感覺好消暑，三款小食最特別嘅係雖然都係炸嘢，但係絕對冇油溢味，係一啲油都冇，而且又有豆蓉乳酪呢啲食材，所以覺得好健康。
Myth Saag
傳統印度菠菜蓉咖喱雞
平時咖喱就食得多啦，黃咖喱青咖喱白咖喱紅咖喱都有，但食印度餐廳就梗係要食啲特別啲嘅嘢啦，呢款菠菜茸咖喱就完全滿足到我啦，喺第二度絕對冇機會食到，咖喱香口濃味偏辣，但辣得來好好食。
綠色嘅咖喱雞真係第一次見，雖然個賣相有少少詭異，但食過後絕對會對佢改觀，雞肉肉質滑嫩。
咖喱當然要配上印度薄餅食，薄餅我哋都叫咗兩款。
Plain Naan
原味烤餅
Roasted Papas
印度香脆薄餅
兩款薄餅各有特色，但都係即叫即做焗好話即送上嚟，啱啱送上枱真係會辣親手，原味烤餅食到有兩層口感外脆內軟，而香脆薄餅非常薄身，比墨西哥薄脆仲要香脆。
餐廳入面嘅員工非常友善，對每一位客人都好熱心咁介紹食品，好盡責咁留意每一台客人嘅情況，連繫樓下派傳單嘅大叔都好熱情，知道你去食佢餐廳佢會好熱心咁帶你入去搭lift，走嗰陣時仲會同你拜拜。
张贴
