由入座起已經可以感受到小店既誠意, 即時送上一份和風雞煲。雞肉細嫩，湯底清香，唔會好似平時啲雞煲咁重口味，而且有微微回甘，作為開場菜絕對夠哂驚喜🤩唔會食完雞煲已經開始膩, 亦為整個火鍋體驗揭開序幕。
主角之一必定係$308澳洲M5和牛套餐。牛肉色澤鮮紅，油花分佈理想，每片口感細滑，涮一涮入口即溶，肉味香濃而不膩。餐廳仲有多款蔬菜、丸餃、海鮮等任食自選配料。湯底方面，真心推介蟲草花烏雞湯, 用料十足, 十分鮮甜。😋💓
依家只要like and share餐廳專頁同埋留comment ，即可獲贈每日限量蒸海鮮拼盤。師傅即場蒸煮，保證鮮味。拼盤包括海蝦、生蠔、鮑魚、扇貝、蟶子等，為整個放題體驗再加分😚💯
秋冬期間，全新快閃大閘蟹套餐正式登場🦀‼️每位只需$358，即可享用兩隻大閘蟹、兩隻爽口赤蝦同埋一罐魚子醬。大閘蟹膏香濃，蟹肉鮮甜；赤蝦肉質爽滑，魚子醬鹹香味美。賣相精美，打卡影相一流，絕對係火鍋控同埋海鮮迷必搶之選🤭
整體而言，熊本牛鍋元朗分店主打新鮮食材及各式優惠，無論和牛、雞煲、蒸海鮮或大閘蟹套餐，都表現出色。自助吧選擇多，服務到位，配合各種期間限定同埋打卡活動，無限時用餐最適合同屋企人、朋友過嚟聚餐💓
想喺元朗搵高質火鍋放題，又有新鮮感同埋儀式感，經開元朗呢頭不妨一試熊本牛鍋👍🏻
