天龍泰越餐廳

营业中

休息中

今日同老婆去愛民練考車，之後到夜晚肚肚地餓就去左附近搵野食。無黎一排，呢邊既鋪頭都唔同哂，之後我地行左去冬菇亨個邊，發現到呢度有一間新既泰菜，咁就決定入去試一試。因為時間已經唔早，唔駛排隊就已經可以入去，侍應好快帶左我地去一張四人枱，非常寬敞。睇完菜單，決定左叫一客串燒拼盤同紅咖哩雞，另加兩客靚仔。先講一講肉串，明顯係即燒既，肉質同火喉都控制得非常好，沙嗲汁同d肉非常夾，唯一不滿的是沙嗲汁份量不足，需要再要求多一碟，但因為等得有d耐串燒已經凍左。另外紅咖哩味道非常好味，感覺到係認真之作，勁推介大家一試，不過雞肉略「雪味濃」，成其中之敗筆。