影片
更多
2010-04-08
2 浏览
已經plan左放工去太古城影古天樂d珍藏，"難得"早收，加上太古城無乜好食，所以決定一嘗香港的米芝蓮一星食店。6點半左右去到，店舖不大，門口滿是人，但覺得好像不是在等位，問問前面客人原來係等外賣，之後有個客人問點排法先知原來係要自己登記的..............不過碰巧有幾位客人離席，不用等多久便可入座。由於得兩個人，不能點太多食物，最後點了鹵水鵝片、芥末雞腳筋拼海蜇、阿鴻鴨舌。先上鴨舌，味道唔太濃但夠味微微辣，如果可以佐酒一定更妙！之後是芥末雞腳筋拼海蜇，未食過雞腳筋，不過真係一試難忘，芥末的強烈味道配合爽脆的雞腳筋原來可以如此特別的，雖有細骨但都可以o趙到，但無損食欲，海蜇夠彈牙，連埋芥末汁食又係另一種新嘗試。壓軸來的是鹵水鵝片，上枱時還有煙出，應是即叫即再鹵，份量個人覺得算多，總好過一些豆腐仲多過鵝的食店，鹵水汁味道較得剛剛好，而且好入味，鵝肉好厚身但唔嚡，堂食o既鹵水鵝片真係好食好多。剛食完之際發現枱旁有碟辣椒油，因為是次無點麵食而無用，點知一開蓋真係不得了，辣油香味四溢，見到用料十足，最重要係加左大量炒過o既蝦米，味道香辣之餘還多了一份甘香蝦米味，立刻問問傳菜靚姐有否一瓶
6點半左右去到，店舖不大，門口滿是人，但覺得好像不是在等位，問問前面客人原來係等外賣，之後有個客人問點排法先知原來係要自己登記的..............不過碰巧有幾位客人離席，不用等多久便可入座。
由於得兩個人，不能點太多食物，最後點了鹵水鵝片、芥末雞腳筋拼海蜇、阿鴻鴨舌。
先上鴨舌，味道唔太濃但夠味微微辣，如果可以佐酒一定更妙！之後是芥末雞腳筋拼海蜇，未食過雞腳筋，不過真係一試難忘，芥末的強烈味道配合爽脆的雞腳筋原來可以如此特別的，雖有細骨但都可以o趙到，但無損食欲，海蜇夠彈牙，連埋芥末汁食又係另一種新嘗試。壓軸來的是鹵水鵝片，上枱時還有煙出，應是即叫即再鹵，份量個人覺得算多，總好過一些豆腐仲多過鵝的食店，鹵水汁味道較得剛剛好，而且好入味，鵝肉好厚身但唔嚡，堂食o既鹵水鵝片真係好食好多。
剛食完之際發現枱旁有碟辣椒油，因為是次無點麵食而無用，點知一開蓋真係不得了，辣油香味四溢，見到用料十足，最重要係加左大量炒過o既蝦米，味道香辣之餘還多了一份甘香蝦米味，立刻問問傳菜靚姐有否一瓶辣油賣，誰知她說這裡的辣油是秘制的，没有外賣，突然覺得有一份失落感浮現.......不記得誰說過要睇一間店鋪有無用心做，就一定要試試辣油是否自制，呢間如何真係不用多說。
由頭食到尾都見到鴻哥同手足響一個充滿蒸氣o既地方工作無停過手，而且有食客離開時鴻哥都必定送上親切的笑容同一句多謝，唔會因為有了名氣以後便有所改變，呢一份對工作o既熱誠真係難能可貴，希望可以再試多唔同的"小吃"。
张贴