楚撚記大排檔 (寶光大廈)

今次第一次去楚撚記食晚餐，首先介紹吓嗌咗啲乜嘢食，鯪魚球，椒鹽九肚魚，加多一個四人餐。等我介紹吓四人餐有咩食啊？首先有明火麗湯跟住有XO醬翡翠爆炒花枝片，啫啫滑雞煲，楚撚沙拉骨，黃金椒鹽粟米及蒜蓉炒通菜，仲有四碗白飯，楚撚記炒嘢火候相當唔錯，份量亦都可以，但係由於顧客相當多，最好係訂位，同埋坐得亦都係相對逼，由於多人亦都係相當嘈，這個就唔係咁理想啦，但係好彩食物係相當唔錯，我哋下次都會再嚟嘅由於唔需要加一，亦都唔需要茶錢，最後仲有糖水送，相當之經濟大家都可以試吓㗎。