早一星期訂位, 要食第二輪(11:30 to 12:45), 到步唔駛等.
眼見全場爆滿又有時限, 我地都快快落單(因掛住食, 都無影相)
鮑魚燒賣 - 蝦爽肉鮮甜, 上面加埋細細粒鮑魚, 正!
春風得意腸 - 薄薄腸粉包住剛炸好的腐皮卷, 外軟內脆, 內有爽蝦, 好味道!
蓮藕餅 - 蓮藕切粒撈埋鯪魚肉造成圓形餅狀再煎, 蓮藕sock sock聲, 香口無比!
豉汁鳳爪 - 一般之作
一品炒飯 - 水準之作, 蛋白瑤柱欖菜炒飯, 欖菜的少少鹹味帶出蛋白香和瑤柱既觧味, 清碟:
紫竽煎堆仔 - 一客3個剛好, 皮夠薄, 紫竽軟滑唔甜, 熱辣辣, 正!
2
