麥當勞 (太安樓)

营业中

休息中

年初二睇完煙花，心情本應興奮，但肚仔開始打鼓，搵食先係王道！諗住返太安樓應該有嘢食，點知行到去，發現好多餐廳都收咗鋪，剩低啲開緊既都逼滿人，等位都唔知要等幾耐。最後為左有得坐，唯有認命入M記，雖然無得揀，但至少有得食有得坐。點咗個，揀咗有菠蘿嗰款漢堡，加埋龍蝦湯，當自己食緊「新春限定豪華餐」。另外加多個，配粟米同熱檸茶，總算有少少溫暖嘅感覺。雖然呢餐未必係最滿意嘅選擇，但見到四周同樣無得揀但依然開心嘅食客，感覺又無咁無奈。年初二，餐廳收早，煙花再靚都敵不過肚餓。下次真係要記住，食飯先再去睇煙花，唔想再焗住食M記！