今助烏冬御膳 (已結業)

都幾多人排隊，見呢度主打烏冬，就要了個牛肉燒烏冬天婦羅刺身定食，價錢$150，算抵食。一個SET可以滿足3個願望，刺身·天婦羅·烏冬。搞笑係天婦羅仲炸緊，要後上。刺身都唔錯，有4款，幾新鮮。食完都仲未上天婦羅。再食牛肉煱燒烏冬，甜甜地的湯底好似SUKIYAKI，烏冬也好彈牙，除了肥牛，配菜也有不少，蛋係半熟架，仲有生菜、冬菇、金菇。食到咁上下，終於黎天婦羅，有兩隻炸蝦、炸蕃薯、炸冬菇和小青椒。蝦都幾大隻，肉好彈牙，炸粉皮也不會很厚，點蘿蔔蓉和天婦羅醬油，很是好味。