博多拉麵別天神 (已結業)

一直都好喜歡別天神嘅豚骨湯底拉麵，估唔到佢嘅分仲店原來開到灣仔都有，難得今晚去會展聽音樂會，就開show前食個拉麵暖暖胃！七點比較早的關係，等了十分鐘就有位，裝潢同日本拉麵小店很相似，有檸檬水飲，仲有鈎喺枱下掛袋用。有兩款湯底選擇，分別係蝦味增拉麵和豚骨拉麵，木餐牌有日文同中文對照，幾有置身日本的感覺。另外，喜歡他的筷子是冇漂白過的木筷子！別天神套餐包括最原始嘅豬骨湯底九州拉麵和一款小食，小食可以選擇四件日式煎餃子或小龍蝦蟹子紫菜沙律。白色濃濃豬骨味湯底，加上九州拉麵，偏淋同幼細嘅麵條好夾！而且溏心蛋甜度適中，蛋黃好流心。因為偏奶香感覺的湯底太吸引，所以又飲清光😋。仲要有辣芽菜可以伴食，非常開胃！另外小食的四件餃子煎得幾金黃脆口，重口味得來，飲番淡豬骨湯中和一下，太正喇！