影片
更多
2016-08-06
296 浏览
分子料理，一聽就知係貴價野，仲要係銅鑼灣食，實唔平啦！但朋友介紹呢間二舊出頭就食到，所以膽粗粗黎試下。不過事先聲明有兩點要注意：1,要先訂位，名額非常有限，仲有唔好遲到，同飛機一樣唔等人的。2,要企，係立食，拉下筋先食。講到趕飛機咁嚴重，因為係呢度唔係為左食咁簡單，佢同時係一場表演，廚師會係你面前煮出各種料理，所以你要立食，先可以睇清楚佢既表演。是日頭盤係佢，蛋黃哥！？錯，佢係哈密瓜蓉加左唔知咩嘢(笑喊，唔記得曬啦)，遇上鈣水，就可以變成波波，但裏面仲係果蓉黎架。果蓉好清甜，但呢個故事未完。因為佢下面其實係放左一片西班牙黑毛豬，火腿既鹹香同清甜既果肉，一絕！作為分子料理，又點可以無一大罐液態氮呢！旁邊係㷛緊今晚第二道日本高湯。作為分子料理㷛湯都唔可以正常一啲，要好似日式咖啡咁㷛。話說佢個重點唔係果度，係個膠袋。無錯，你無睇錯，你將會食一個膠袋，原個上！個膠袋裡面係平時啲湯料，一啖過先食料，後飲湯。好似食緊魚鬆咁，香口又有海鮮味。湯好清可以慢慢品嚐海鮮既鮮甜味。下一樣係劍魚刺身配冰晶化柚子醋。咩係冰晶化？就係用呢盤滾水，其實係液態氮去急凍啲醋，呢個比就咁雪櫃雪無咁易融！放上碟都唔會融，入
但朋友介紹呢間二舊出頭就食到，所以膽粗粗黎試下。
不過事先聲明有兩點要注意：1,要先訂位，名額非常有限，仲有唔好遲到，同飛機一樣唔等人的。
2,要企，係立食，拉下筋先食。
講到趕飛機咁嚴重，因為係呢度唔係為左食咁簡單，佢同時係一場表演，廚師會係你面前煮出各種料理，所以你要立食，先可以睇清楚佢既表演。是日頭盤係佢，蛋黃哥！？
錯，佢係哈密瓜蓉加左唔知咩嘢(笑喊，唔記得曬啦)，遇上鈣水，就可以變成波波，但裏面仲係果蓉黎架。果蓉好清甜，但呢個故事未完。因為佢下面其實係放左一片西班牙黑毛豬，火腿既鹹香同清甜既果肉，一絕！作為分子料理，又點可以無一大罐液態氮呢！
旁邊係㷛緊今晚第二道日本高湯。作為分子料理㷛湯都唔可以正常一啲，要好似日式咖啡咁㷛。話說佢個重點唔係果度，係個膠袋。
無錯，你無睇錯，你將會食一個膠袋，原個上！個膠袋裡面係平時啲湯料，一啖過先食料，後飲湯。好似食緊魚鬆咁，香口又有海鮮味。湯好清可以慢慢品嚐海鮮既鮮甜味。
下一樣係劍魚刺身配冰晶化柚子醋。咩係冰晶化？就係用呢盤滾水，
其實係液態氮去急凍啲醋，呢個比就咁雪櫃雪無咁易融！放上碟都唔會融，入口仲好爽脆。刺身都唔係普通貨色爽口鮮嫩，記住連伴菜既汁都唔好放過，都唔錯架！
龍蝦湯慕絲配慢煮椰菜花，濃郁既龍蝦湯係加入壓縮氣體後，會變左濃厚既冷凍慕絲。就咁食啲慕絲會太濃味，同埋個椰菜花食會中和返個味道。
之後黎左個慢煮魚，一粒三文魚柳用左五個字煮，居然入口比三文魚刺身更滑。食咗先至講，好鮮嫩。匙扣上白色嘅粉係秘密，廚師話架，好似鹽但唔係鹽，食完原味既三文魚柳可以試下落少少再食，同樣既享受。最後係神戶牛肉飯，作為壓軸表演，
佢睇落無咩，仲好似成塊牛都燒焦晒，一定好硬。點知…好軟，好食，入口即溶。無人會諗過一塊牛可以煮到同三文魚刺身一樣咁軟綿綿，但牛肉既鮮味同樣濃厚。敬佩，分子料理既利害，不過真係企到腳仔軟，店家其實可以提供bar櫈，比我哋可以坐低欣賞呢場表演。
张贴
