忐忑不安之下, 都係決定一試, 我哋先點一個頭盤, 諗住扮哂食家咁逐個course order, 有乜唔妥都可以即刻走人
頭盤 - 法式焗田螺
味道濃郁唔油膩, 薯蓉粉甜, 賣相精緻, 唔似一般用銀色圓碟咁傳統。
試過頭盤都頗滿意, 可以再order我哋最愛吃嘅剌身
剌身拼盤 - 好鮮甜, 夠新鮮, 多種類但分量一般, 對於我哋咁鍾意食剌身嘅嚟講, 有d到喉唔到肺。
唔~ 點都要order超嫩牛扒, 雖然部份嘅comments有好有唔好, 但自己未食過, 點知真定假。
超嫩和牛扒 - 油香四溢, 外脆內嫩, 煎得啱火喉, 唯一敗筆在有少許筋, 要扣分…
最後order了兩款甜品, 心太軟及蘋果tart, 即叫即焗, 香噴噴、熱辣辣, 唔係得個甜字, 係有濃濃嘅朱古力及清甜蘋果味架!
總括嚟講唔錯, 口味有時真係見仁見智, 加上環境又浪漫, 我同女朋友都滿意
