韓舍 (已結業)

大熱天時同朋友一齊去做完義工，又唔想隨便搵間野食，但一諗到呢個食飯時候一般舖頭外面隨時有大班人同你爭位，加上我地又無book位。等左2個字就打算打退堂鼓個陣，企門口個女仔就同我地講入得去啦！輪到我地就梗係咪走雞la。 坐低拎野食加點野食，刺身種類唔多，全部都拎晒，三文魚，希靈魚，吞拿魚，甜蝦，仲有隻條魚唔記得咩名，不過都係拎左1次咁大把姐，因為生食既野1向食得少，啲刺身尚新鮮，三文魚、甜蝦好好味。有個朋友已經燒緊肉啦！拎完野食行到埋去已經聞到好香，忍唔住夾走左舊食，哈哈。牛柳粒、叉燒豬扒好嫩口，咬感好滑，好惹味。牛仔骨我幾喜歡食，夾多左，本身都怕啲肉會好硬實，幸好食落肉質尚算鬆軟而且有汁,唔會乾巴巴！另張Buffet枱放滿左啲甜品、沙律、甜品、炸物，熟食豬頸肉薄身的，有醬點添，好脆好爽口，淋埋個醬汁上去，味道好夾。整體來說，今次既放題晚餐相當滿意，值得再去。