囍源古早蛋糕 (已結業)

前幾天中午經過北河街，見到有間自稱最正宗古早味蛋糕，而且係低糖少油，好奇去看看，店長用真蛋糕做display 比客人摸，我唔單止去摸一摸，而且仲撳下佢，真係唔油膩而且好鬆軟。店長見我撳佢件蛋糕，仲挑戰我，他說三日內都唔會塌落嚟、唔會縮水、蛋糕口感保持鬆軟。於是我就買兩件返去試吓，一件係香脆肉鬆，另一件係栗子味。中午買完蛋糕後回家已經係晚上嘅時間，打算各款食一件做飯後甜品，一打開盒見到蛋糕真係冇塌落嚟，而且好鬆軟，蛋味濃郁。肉鬆餡料超爆，而栗子味亦都好香濃、好滑。因為係低糖嘅緣故，所以食完唔會好膩。好想一口氣食晒佢，但係我又想分開3日食，睇吓係咪真係正宗古早味蛋糕，唯有忍口。因為天氣寒冷嘅關係，店主說保存方法放室溫便可以。第二日同第三日晚上，不論外觀、味道、口感都同即日食嘅一樣，仲係濕潤軟綿綿、雖然天氣乾燥，蛋糕表面都冇乾身。果然是正宗古早味蛋糕，要用水浴法做先會做到呢個效果。黃金邊、黃金底、不塌陷，不收腰，不開裂，隔了三日食都仍然鬆軟綿密！