DPD大牌檔 (已結業)

今日早收工，同好友出左旺角行街，晚飯時間經過朗豪坊，見到對面開左間DPD 大牌檔，店舖設計時尚，空間感十足，環境寬敞舒適，一於試下先。分中、西式套餐，性價比頗高，亦設單點意粉/飯、素食、小食、甜品等。中式二人套餐包一款菜類、兩款廿菜，配明爐老火湯、白飯。粉絲浸菜苗翠綠菜苗口感細嫩，彈牙粉絲盡吸鮮味。黑椒炆豬手煲豬手炆得稔滑，洋蔥香甜爽口，配以濃郁黑椒汁，拌飯一流，正。海南水晶雞皮滑肉嫩，雞味十足，啖啖肉口感清爽。黑松露脆炸薯條即叫即炸薯條熱辣辣，薯條炸得金黃香脆，沾上濃郁黑松露醬，好香口。飛魚子脆蝦多士蝦膠加入芝麻粒，增加口感，彈牙蝦膠配以香脆麵包，夠哂惹味。老火湯飲落無味精，既滋補又有益。中國茗茶 (潽洱)醇厚濃郁，消膩一流。