影片
更多
2022-10-16
53 浏览
出貨速度奇慢，其他枱都有催單，後邊枱有個燒金菇等差唔多一粒鐘都未到，要求取消先送上嚟，但個女人已經話唔要，等得太耐，堅持要取消走人。講返我張單，同太太兩人都係叫紅燒牛肉麵餐，等咗十幾廿分鐘先嚟1份，望下其他枱，好多都係嚟1份，似係做唔切想安撫下食客，出住一啲食物食住先。其間見樓面不停出外賣單，完全冷落堂食客。等到唔耐煩，我都算有耐性，等咗七個字先第一次催，當時個後生女侍應聽完就算，無見佢同廚房溝通過，繼續執佢嘅枱。之後見到有個阿姐侍應，正想搵佢催單，附近一枱客已經出聲先話仲有食物未上，個阿姐只係覆佢整緊，完全無見佢去廚房問。最後等咗有十個字都未上我份餐，頂佢哋唔順，我太太食完就出去埋單，叫佢取消我嗰份，嬲到我死，串咗收銀個阿姐幾句。好心啲餐聽無能力就唔好搞外賣，廚房唔夠師傅就請人啦，佢仲要午飯時間搞埋串燒，串燒係最要企定個人睇火嘅，我懷疑佢廚房係咪只得一個師傅睇晒咁多瓣所以做唔切。仲有就係出餐唔根入單時間順序，手機落單全部都有晒時間次序，我左右兩邊都有枱係遲過我到，但已經食緊，有啲仲食完埋單，完全random 出餐，最後得我一個未有嘢食，成間舖得返5-6張枱有客，全部都食緊，其餘八成枱
講返我張單，同太太兩人都係叫紅燒牛肉麵餐，等咗十幾廿分鐘先嚟1份，望下其他枱，好多都係嚟1份，似係做唔切想安撫下食客，出住一啲食物食住先。其間見樓面不停出外賣單，完全冷落堂食客。
等到唔耐煩，我都算有耐性，等咗七個字先第一次催，當時個後生女侍應聽完就算，無見佢同廚房溝通過，繼續執佢嘅枱。之後見到有個阿姐侍應，正想搵佢催單，附近一枱客已經出聲先話仲有食物未上，個阿姐只係覆佢整緊，完全無見佢去廚房問。最後等咗有十個字都未上我份餐，頂佢哋唔順，我太太食完就出去埋單，叫佢取消我嗰份，嬲到我死，串咗收銀個阿姐幾句。
好心啲餐聽無能力就唔好搞外賣，廚房唔夠師傅就請人啦，佢仲要午飯時間搞埋串燒，串燒係最要企定個人睇火嘅，我懷疑佢廚房係咪只得一個師傅睇晒咁多瓣所以做唔切。
仲有就係出餐唔根入單時間順序，手機落單全部都有晒時間次序，我左右兩邊都有枱係遲過我到，但已經食緊，有啲仲食完埋單，完全random 出餐，最後得我一個未有嘢食，成間舖得返5-6張枱有客，全部都食緊，其餘八成枱我睇住滿客到人哋食晒走晒，我份餐都唔上。
根本就唔識做生意，流程唔掂就執一執佢啦！
张贴