Lab Eat Bistro (豉油街) (已結業)

食西餐一定要鋸扒，但並非每間西餐廳嘅牛扒都係好食，所以想食優質嘅鋸扒真係要預先做足功課先得🥸而我今次終於搵到心目中近乎完美嘅牛扒，一定要開心share俾大家🫰🏻等緊主菜牛扒上菜前，先食個小食填吓肚先😄 腐乳味單飛雞翼 嘅炸漿唔會太厚，炸皮薄又香口，好快就掃清晒😆😆戲肉上菜啦⚡️特選級牛臀肉上蓋扒 一客$388，脂肪比例平均，要咗3成熟所以好腍身，咀嚼後肉味充斥口腔，不得了🤩🤩第二戲肉⚡️慢煮24小時美國榖飼牛小排 一客$358，十分有誠意嘅慢煮牛小排，輕輕一切就骨肉分離，鬆軟入味，連骨頭入面嘅肉汁都啜埋😚配埋客香氣十足嘅法式洋蔥炒薯角，今餐食得好飽好滿足，完美嘅一餐💜