漢和韓國料理 (已結業)

有聚會搞，諗住大家任食食得開心d就揀左依間，因為見到評價唔錯。個幾禮拜前已經訂好位，有廿幾人。點知佢之前個日先打來同我講話我地咁多人8點鐘上來好尷尬，未必有枱來到都可能要等成半個鐘，提議我轉時間咁話。喂大佬，你一個星期前又唔同我咁講，我一晚點通知晒20個人? 我咁同佢講佢就話冇辦法。當日下晝佢又打來話安掛間房畀我，不過間房只係for18人...我地24人點算? 不過冇計啦唯有聽佢講。去到都等左成15分鐘先入得去...入去發覺間房真係好細下...24人根本坐唔落...換晒d凳做膠凳都要有d人輪流企下...有人出去時大家又要企晒起身。係你就上個星期同我講，咁我可以去第二間餐廳嘛...搞錯。同佢反映，佢就話賠我地每人一枝汽水...都好過冇。講返野食。第一次去韓燒拎野食要排咁耐隊! 熟食冇問題，不過如果要拎生野就每次要排差唔多10分鐘! 當你去拎3次野...都冇左半個鐘...記住你只係可以食1.5-2個鐘! d野食係幾好食，任食韓燒中我覺得算係最好味，而且幾多選擇，不過見到咁都搞到冇咩心機食...食左d咩都唔係好記得...千祈唔好五六日來...