潮食地 (已結業)

餐廳非常闊落, 餐廳名改得勁貼切真係潮食地, 野食種類非常之多, 你諗到想食嘅應該都會有,🤤 中西美食仲留意到有私房菜添!🤩蒜蓉炒時蔬(白菜仔)🥬感覺好似平平無奇咁, 但越單獨嘅餸菜越難整, 白菜仔新鮮條條都綠油油冇一條爛菜, 蒜蓉係新鮮切嘅唔係啲現成蒜蓉, 菜同蒜蓉份量都多每食一條菜啖啖都有蒜蓉香!👍🏻乾炒牛河🐮: 電影對白當中: 廚房入面有兩大黑星, 第一就係乾炒牛河, 唔可以炒得太乾又唔係可太油, 牛肉又唔可以太熟或者太生! 份量都好多一大碟, 唔會太油勁有鑊氣, 牛肉啱啱好唔會靭!👍🏻