敏華冰廳 (新都城中心二期)

营业中

休息中

之前一直經過都想食佢既黯然銷魂飯，今日終於都試到啦! 因為行過見到唔多人所以等左10分鐘左右就入得. 而家可以直接係位用佢類似ipad既裝置落單，好方便而且可以直接俾埋錢，真係唔使講野已經可以食完一餐飯. 等左10分鐘後終於都到左，一黎已經聞到超級香濃既叉燒味，好好彩我呢舊仲有少少燒焦左，個人比較鍾意呢種脆口既叉燒，真係好好食，肉質好嫩滑而蜜汁做得岩岩好，唔會好漏既感覺，加上佢係厚切，咬落真係啖啖肉，好好食既叉燒! 蛋亦都係重點，煎蛋雖然冇燶邊但蛋黃都係流心既，同時蛋味都好香濃，加埋飯同埋叉燒係絕配。唯一美中不足既係如果可以有多幾條菜芯既話咁就真係perfect啦!