同人鍋 (已結業)

不知不覺原來山林道變成了火鍋街，短短一條街已經有成十間火鍋店。要在其實火鍋店中凸圍而出，一定要返一兩道殺手鐧。同人鍋則用雞鍋作主打，再配合海鮮任食火鍋作招徠，來個兩劍合璧。餐廳裝修實而不華，雖然只是木枱膠椅，但勝在餐廳地方大，坐都坐得舒服點。先來雞煲，之前已參考過其他食評，話小辣不太辣，所以特意叫中辣，但原來小辣跟中辣的辣度相差頗大，雞煲一上枱已聞到濃濃的辣椒味道，未食已經留口水。雞煲內的雞件其實已預先煮熟，翻熱一下已可食。二人大約有半隻雞分量，雞件滑，麻辣入味，都幾好味，再加入薯粉，薯粉吸盡湯底精華，好辣好刺激。雞煲食完後會換湯底作火鍋，可以選擇花膠雞/ 或龍蝦蕃茄湯底。我鐘意食海鮮，當然選龍蝦蕃茄湯底，有原隻龍蝦!! 龍蝦大小比一隻碟還要大，肉鮮甜。其他比較特別而又可以免費加的海鮮有韓國蠔、松葉蟹鉗。蟹鉗已除去上半部蟹殼，方便進食，又鮮甜。可惜當日無白鱔片，改了做脆肉鯇，不過脆肉鯇都新鮮，入口爽脆。