星座冰室 (已搬遷) 新店位置

平時都好少出街食依D野嫁,但今次黎到依度,就真係無咩所謂,因為都真係幾好食, 今次係依到叫左通粉, 佢係用有坑果種通粉,我比較鍾意依種,因為有D咬口,而且唔會太軟身,都算好味道,加埋佢配個茄牛湯,味道真係超正!!佢d牛肉係用鮮牛肉, 食落幾有牛肉味,唔會好梳打粉味,雖然份量唔多,不過都算夠食,個湯就真係正,好有蕃茄味,又唔會太稠,岩岩好,真係食到連湯都想飲埋佢,不過整體黎講份量唔算太夠,所以就要叫多個小食,叫左依個炸雙丸,勝在即叫即炸,佢有依個炸牛丸同炸魚蛋,份量都係屬於少個種,不過全部切開半粒,好方便入口,睇上去成碟都係炸丸,食落都算唔錯既,起碼細細粒幾得意,牛丸就有少少羶味不過都幾有咬口, 魚蛋就一般般,可能自己不嬲都唔鍾意食魚蛋。