吉列牛忌廉烏冬專門店 (彌敦道) (已結業)

一早聽朋友講呢間嘅吉列牛同咖哩忌廉烏冬都非常好食，一直放喺我嘅口袋清單，終於忍唔住嚟探店喇~睇返餐牌價錢合理👌🏻差不多全場滿座！而我都好好彩，被安排一個舒適嘅卡位👍🏻Citrus Ocean & Rose Garden ~兩款飲品都以梳打水做基礎，口感清爽，配上果味同花味，各有千秋！吉列牛外面已經炸到香脆，內裏仍然係粉嫩嘅顏色，小烤爐可以配上唔同嘅調味料/醬料，令到全份吉列牛都有唔同嘅口味，熟度更可以自己控制，非常盞鬼！潔白無瑕嘅咖哩忌廉烏冬賣相一流，撈勻之後，每一條烏冬都沾上忌廉，所以口感都非常香滑！簡直一試回味😋