僕之拉麵 (已結業)

拉麵癮起，去買兩碗拉麵外賣作晚餐。僕之拉麵喺旺角、佐敦都有分店，裝修和風，有啲似日式居酒屋。食物質素唔錯，外賣關係有分清湯、濃湯，安排細心👍🏻。.🥢特選拉麵$135有普通叉燒，又有炙叉燒。.兩款叉燒不論外型同味道都好唔同，炙叉燒燒得香口，豬油脂喺口中溶化，別有風味。.普通叉燒就比較瘦同滑，同濃湯配搭更夾。.🥢人氣拉麵$98呢款最特別係有四塊紫菜，而且用咗保鮮紙包好，返到屋企食仲係脆。.仲有唔少清甜嘅粟米粒，有味道出色嘅溫泉蛋，亦有滑滑嘅叉燒片，同埋爽口嘅木耳絲(加$10)，成碗好豐富。.🥢炸章魚$30 & 炸章魚丸$30鮮味又有咬口，口感香脆，仲有粒粒章魚，津津有味。