影片
更多
2009-12-22
37 浏览
個多月前嘅食評, 師傅遲遲未寫, 但心知一定要寫, 如果唔係就對唔住自己! 話說師傅識得一位相熟嘅部長跳槽, 由A餐館去左呢間食店, 咁啱師傅就想同屋企人食餐飯, 而師母就提議呢度, 師傅當然舉腳贊成啦, 皆因師傅從未試過, 亦能順便捧場, 一舉兩得, 正呀!入到去地方唔算好大, 但環境都算唔錯, 坐底後當然係睇下有咩好食啦, 經過一陣商討同介紹後, 就柯打左椒鹽雞軟骨, 名廚古法扣鮑魚, 蠔皇扣原隻花膠扒, 豉椒味菜炒聖子, 白灼芥蘭同埋菜心炒牛肉! 三個人六個餸, 勁大食!等左一陣個椒鹽雞軟骨率先登場, 率先登場並不等如好, 椒鹽雞軟骨本身並非軟骨, 似硬骨多d, 因為師傅要用盡九牛二虎之力先咬得爛, 而且炸得油, 同埋非常咸, 作為第一道菜著實失色, 結果成碟都冇咩點食過, 彈左; 名廚古法扣鮑魚就一人一隻, 先講鮑魚, 鮑魚味唔重同埋唔夠香, 幸好鮑魚扣得夠腍, 一d都唔韌, 更加冇話咬唔開, 而味道亦洽到好處, 唔會太咸, 呢一下都挽回唔少分數, 至於伴碟嘅鵝掌雖然唔係主角, 不過亦炆得幾腍同入味, 不錯!蠔皇扣原隻花膠扒呢道菜真係出位喇, 花膠扒一大舊唔在講, 加上扣得超腍
入到去地方唔算好大, 但環境都算唔錯, 坐底後當然係睇下有咩好食啦, 經過一陣商討同介紹後, 就柯打左椒鹽雞軟骨, 名廚古法扣鮑魚, 蠔皇扣原隻花膠扒, 豉椒味菜炒聖子, 白灼芥蘭同埋菜心炒牛肉! 三個人六個餸, 勁大食!
等左一陣個椒鹽雞軟骨率先登場, 率先登場並不等如好, 椒鹽雞軟骨本身並非軟骨, 似硬骨多d, 因為師傅要用盡九牛二虎之力先咬得爛, 而且炸得油, 同埋非常咸, 作為第一道菜著實失色, 結果成碟都冇咩點食過, 彈左; 名廚古法扣鮑魚就一人一隻, 先講鮑魚, 鮑魚味唔重同埋唔夠香, 幸好鮑魚扣得夠腍, 一d都唔韌, 更加冇話咬唔開, 而味道亦洽到好處, 唔會太咸, 呢一下都挽回唔少分數, 至於伴碟嘅鵝掌雖然唔係主角, 不過亦炆得幾腍同入味, 不錯!
蠔皇扣原隻花膠扒呢道菜真係出位喇, 花膠扒一大舊唔在講, 加上扣得超腍, 一d都唔硬, 真係爽都唔爽下, 口感超正, 而且花膠扒係非常黏口, 勁有膠嗰種感覺, 漿住個口咁, 師傅覺得呢d先係真正嘅花膠, 有好一段時間食唔到咁高水準嘅花膠, 所以呢道菜師傅比滿分; 豉椒味菜炒聖子就比較咸, 而聖子就幾韌, 不過都咬得開, 可以啦; 白灼芥蘭就灼得好腍, 而且芥蘭好甜, 好正; 菜心炒牛肉嘅牛肉都比較咸, 不過牛肉有牛味, 而且鬆身夠腍, 可以啦, 菜心又嫩又甜, 蠻不錯!
總括黎講食物質素都令人滿意, 係個雞硬骨差少少, 服務幾好, 環境清靜舒服, 埋單好似係八百幾, 又係鮑魚又食花膠, 唔算太貴喇; 師傅覺得呢間食店都幾趣緻, 皆因幾道較貴嘅菜式都整得不錯, 相反街坊小菜就一般, 莫非淨係想服侍d貴客? 希望並不如師傅所言, 師傅一睇到呢度嘅花膠, 又想再食多次; 是次笑臉絕對比到, 一定會再黎試多一次!
张贴
