忠記粥品 (北角道)

营业中

休息中

之前喺炮台山一間不知所云嘅粥舖，食咗一碗湯唔似湯水唔似知水所謂嘅粥之後終於俾我搵到呢間，兩個人坐低首先叫咗一碗粥因為好驚好似上次嗰間咁，但係碗艇仔粥嚟到馬上知道哩間肯定正好多，本來想叫多另外一碗，不過見到有糭同鹹煎餅，所以改變主意，每樣叫咗一份再加一碟炸兩，果然每樣嘢都冇失望，粥身夠綿同埋夠味，腸粉係現拉，糭嘅材料又夠多，兩個人食咗四樣嘢都只不過係$72 絕對係超值，再睇到牆上面嘅海報，原來係一間愛心粥店會定時派粥俾啲長者，呢啲咁有良心嘅店舖一定要多啲支持。