依間係QT近期發現同埋愛上嘅魚蛋檔！清一色真係得魚蛋！但佢用嘅係「潮州超彈爽口又好香魚香嘅白魚蛋」！而且唔係行湯煮式！行微炸式！特意想保留白魚蛋嘅水份唔會過份流失！魚蛋真係口感彈牙爽口都不得了好好味！同[林昌x]有得fight！！
仲有多款醬汁選擇😻 有「椰香咖哩汁」、「黑椒煙內芝士醬」、「肉鬆燒烤汁」、「蒜香香辣油」！4個味都同魚蛋好夾👍🏻好好味嫁！我自己就最愛佢地嘅芝士醬同香辣油🙌🏼一試難忘呀～ 行過都買黎食😝
今日又行過仲見到因為萬聖節推出左兩個期間限定嘅汁呀😎 又狗衝去買黎食！分別係「辛辣蕃茄汁」、「忌廉南瓜汁」！好鐘意個南瓜汁呀😻超香南瓜汁！好希望日後依個汁長有🙌🏼
佢地仲好細心有得配撈麵～
又怕大家覺微炸都熱氣有解熱氣嘅糖水用樽仔上！一支支細細支好方便！連渣都細心到幫大家打碎埋入樽～ 食落粒粒爽甘👍🏻
我自己非常推介大家飲薄可杞子木耳露！好fresh~微涼涼口感！正！真心feel到佢解晒熱氣😊
