嚐越 (已結業)

今天早收工, 天氣又㸃熱和濕, 所以決定去食越南菜。可能時間尚早, 大概6:45左右啦! 不用等位。其實之前來都試過串燒, 牛肉撈檬, 燒雞, 大蝦紙米巻, 粉包等等....味道ok.但又未值得寫食評。但今次不同, 叫了蕃茄蝦蟹湯麺, 幾好味, D粉入晒味但又不會太鹹。掛住食無影相。脆皮燒乳豬--正, 正, 正! ㄧ流呀! 果皮十分十分香脆, 肉質嫩滑, 無得頂! ㄧ定要試唔同其他的乳豬, 皮脆但肉質鞋又或者係皮不脆肉味鹹。燒魚---另一𠎀作, 估唔到燒完後魚肉不但没有過老過鞋, 反而仲保存滑滑的, 好香香茅味, 再加上秘制醬汁, 味道剛剛好,不淡又不鹹。下次真的要再幫襯呀!