原點 (已結業)

限聚令下晚餐一係外賣，一係自己煮，食到都口淡淡，所以襯下午茶時間出去了元朗食甜品。這間原點主要有窩夫、心太軟及燒仙草為主，夏天更有刨冰，為炎炎夏日降溫。即叫即做的芒果抹茶窩夫配綠茶雪糕，四大件窩夫足二人分享，窩夫外脆內煙韌，加上香甜芒果及綠茶雪糕，整體又唔會太甜。朋友的朱古力冰山，濃郁的朱古力冰，入口即溶，滿口朱古力香，加上煙韌的芋圓及乳酸汁，入口開胃。最後再share一件伯爵茶千層蛋糕，有十幾層，伯爵茶清新，而且唔甜。