海記合桃坊甜品 (已結業)

西洋菜街的甜品口味其實幾多, 但係做傳統甜品其實唔多, 呢間都算幾多傳統口味同集中, 坐位唔算好好坐, 少少迫, 又係土地問題, HAHA. 第一時間當然試個沙沙合桃糊先, 應該係招牌甜品, 賣相同一般合桃糊唔同, 面層仲有一堆碎合桃粒, 合桃糊香滑, 合桃粒爽脆, 雙重口感, 驚喜, 必推, 係阿姐如果裝落碗時小心D, 唔好整到周圍都係就PERFECT; 另外試左一個冰, 佢地叫雪樂冰, 質感界乎沙冰同雪糕之間, 好諗頭, 我叫左個當榴槤遇上芒果, 榴槤味雪樂冰, 榴槤味好香, 應該以真果肉去處理, 底汁以楊枝甘露去配襯, 又出奇地夾喎, 下次再試