新容記海鮮坊

营业中

休息中

朋友介紹去食一間位於香港仔既中菜館，極力推薦味道好好！坐巴士去到香港仔，就係石排灣道的地鋪！剛裝修完的新鋪，格局清新溫馨。乾淨企理！坐低係餐牌簡左幾個小菜，見到有是日推薦，孖寶：$148紅燒乳鴿+豉椒炒蜆。$138黃金蝦。$58椒鹽豆腐。叫多兩個飯。上菜，蜆好入味，好有鑊氣！個黃金蝦配咸蛋黃炒成，入口咸香味十足！椒鹽豆腐都好好食，係一道開胃小菜！最欣賞就係紅燒乳鴿，吾會乾，入口有肉汁，新鮮炸出，最出色的一道菜！可以比八九分！呢間中菜館好有私房菜的味道，精緻質數高！好推薦。真係好耐無食過感有鑊氣的小炒了！同店員傾左一陣計，原來其他例如鎮江骨等都好出名，下次再利試。